АҚШ-та DeepSeek жүктегені үшін 20 жылға түрмеге қамалуы мүмкін

АҚШ азаматтары қытайлық жасанды интеллект (ЖИ) модельдерін смартфондарына жүктемес бұрын жақсылап ойлану керек болады. Сенатор Джош Хоули ұсынған жаңа заң жобасы қабылданса, америкалықтар Қытайдағы ЖИ зерттеулеріне қатысқаны немесе инвестиция салғаны үшін қатаң жазаға тартылуы мүмкін.

Құжатқа сәйкес, жеке тұлғалар 20 жылға дейін бас бостандығынан айырылып немесе 1 миллион долларға дейін айыппұл төлеуі мүмкін. Ал америкалық компанияларға 100 миллион долларға дейін айыппұл салынып, мемлекеттік лицензияларынан айырылу қаупі бар.

Бұл бастама Қытайдың DeepSeek және Alibaba сияқты компаниялары дамытқан озық ЖИ модельдері OpenAI-мен бәсекеге түсе бастаған кезде көтеріліп отыр. Егер заң жобасы қабылданса, америкалықтар үшін Қытайдың ЖИ технологияларын жүктеу немесе олармен жұмыс істеу заңсыз болуы мүмкін.