АҚШ Қытайды жасанды интеллект құпияларын ұрлады деп айыптады

Вашингтон ресми түрде Пекинді жасанды интеллект саласындағы ең құпия әрі озық әзірлемелерді жүйелі түрде қолды қылды деп айыптауда.Reuters агенттігінің хабарлауынша, АҚШ-тың ғылыми-техникалық саясат басқармасының директоры Майкл Крациос мәлімдеме жасады. Оның айтуынша, қытайлық құрылымдар америкалық компаниялардың ЖИ жүйелеріне қол жеткізу үшін «өнеркәсіптік ауқымдағы» арнайы кампаниялар ұйымдастырған.

Ақ үйдің мәліметінше, қытайлық тарап қорғаныс жүйелерін айналып өту үшін ондаған мың прокси-аккаунтты пайдаланған. Бұл әдіс арқылы олар америкалық инновациялар мен модельдердің мүмкіндіктерін өз мүдделеріне пайдаланып, құпия ақпараттарды шығарып алып отырған. Крациос бұл әрекеттерді «америкалық инновацияларды ашық пайдалану» деп атап, Financial Times жариялаған қызметтік жазбасында егжей-тегжейлі баяндаған.

Қытайдың Вашингтондағы елшілігі бұл айыптауларды бірден теріске шығарды. Пекин бұл мәлімдемелердің ешқандай негізсіз екенін алға тартып, Қытайдың зияткерлік меншік құқығын қорғауға баса назар аударатынын мәлімдеді.

Бұл жанжал АҚШ президенті Дональд Трамп пен ҚХР төрағасы Си Цзиньпиннің келесі айда Пекинде өтетін маңызды кездесуі қарсаңында өршіп отыр. Сарапшылардың пікірінше, технологиялық алпауыттар арасындағы бұл текетірес екі ел арасындағы дипломатиялық қарым-қатынасты одан ары шиеленістіруі мүмкін.