Air Astana ұшақ бортында пауэрбанк қолдануға тыйым салды

2025 жылғы 13 наурыздан бастап Air Astana әуе компаниясы литий батареялары мен оларды қамтитын құрылғыларды тасымалдау ережелерін қатаңдатады. Бұл шаралар ұшу қауіпсіздігін арттыру мақсатында енгізіліп отыр.

Әуе компаниясының мәліметінше, пауэрбанкты басқа құрылғыларды қуаттау үшін қолдануға және оларды ұшақ бортында қуаттауға тыйым салынады.

"Қолданыстағы ережелерге сәйкес, қосалқы батареялар, пауэрбанктар мен электронды темекі құрылғыларын жолаушылар тек қол жүгінде алып жүруі тиіс", – деп мәлімдеді Air Astana өкілдері.

Маңызды шектеулер:

• Пауэрбанктің сыйымдылығы 100 Втч-тен асса, жолаушыны ұшаққа кіргізбейді;
• 100-160 Втч аралығындағы батареяларды тек әуе компаниясының алдын ала рұқсатымен алып өтуге болады;
• 160 Втч-тен асатын батареяларды тасымалдауға қатаң тыйым салынады.

Сонымен қатар белгісіз немесе құжатсыз пауэрбанктарды тасымалдауға рұқсат берілмейді.

Бұл шешім соңғы уақытта ұшақ бортында пауэрбанктардың өртенуіне байланысты қабылданды. Бір оқиға Астана – Ақтау рейсінде, екіншісі Оңтүстік Корея рейсінде орын алған.