Агроөнеркәсіп кешенін субсидиялау механизмі тоқтайды

Оның орнына жеңілдікпен несие беру жүйесі енгізілмек. Аталған әдіс 2028 жылдың соңына дейін қолданысқа енуі тиіс. 

Қасым-Жомарт Тоқаев халыққа жолдауында “Агроөнеркәсіп кешенін тікелей субсидиялау тәсілінен арзан несие беру тәсіліне біртіндеп көшу – аса маңызды міндет”,- деп айтқан болатын. Сонымен қатар ол  бөлінген қаражаттың бәрі тиімді жұмсалуға тиіс екенін де ескертті. Субсидиядан несие беру тәсіліне көшу себептерінің бірі арнайы комиссия 2 миллион ірі қара және 3 миллионнан астам уақ мал санда бар, санатта жоқ екенін анықтағаны белгілі болды. Бұл әрекет егін шарушалығы саласында да бар екені белігілі болған. Бұл әрекетті олар мемлекеттен субсидия алу үшін жасаған. 

Үкімет отырысында Премьер-министрдің орынбасары Серік Жұманғарин субсидия беруден несие беруге 4 жыл ішінде көшетінін мәлімдеді. Ол үшін нақты іс-шаралар қамтылған жол картасы бекітілген. Осы жылы көктемгі егіс науқанына арналған жеңілдетілген несие көлемі екі есе ұлғайып, шаруаларға мемлекеттен 580 млрд теңге бөлінген. Келесі жылдан бастап салаға екінші деңгейлі банктер де тартылып, егіс және орақ науқандарын қаржыландыру сомасын 1 трлн теңгеге жеткізу көзделіп отырғанын айтты. Ал Президент айтқан санда бар, санатта жоқ мал басы қосалқы шаруашылықтарға тиесілі дейді вице-премьер.