Абай облысында әскери қызметші қаза тапты

Абай облысында әскери техниканы пайдалану кезінде орын алған келеңсіз оқиға салдарынан келісімшарт бойынша қызмет ететін әскери қызметші мерт болды. Қайғылы жағдай 5 наурыз күні болған. Бұл туралы өңірлік гарнизонның баспасөз қызметі хабарлады.

Алдын ала мәлімет бойынша, сарбаз техниканы пайдалану кезінде қауіпсіздік ережелерінің бұзылуы салдарынан ажал құштыратын ауыр жарақаттар алған. Қазіргі уақытта оқиға орнында құзырлы органдар жұмыс істеп жатыр және сотқа дейінгі тергеу амалдары басталды.

Құрлық әскерлерінің қолбасшылығы қаза тапқан сарбаздың туған-туыстары мен жақындарына қайғырып көңіл айтты.

«Қаза тапқан әскери қызметшінің отбасына қажетті көмек пен қолдаудың барлық түрі көрсетілетін болады», — делінген ресми хабарламада.