8000 теңгеден бастап: FlyArystan барлық бағыттарға билет бағасын төмендетті

23–25 қазан аралығында отандық лоукостер FlyArystan өз бағыттарының барлығына: ел ішіндегі және халықаралық рейстерге жеңілдікпен билет сату науқанын жариялады. Бұл туралы әуе компаниясының баспасөз қызметі хабарлады.

Акциялық тарифтер 2025 жылдың 1 қаңтарынан 15 наурызына дейінгі сапарларға қолданылады.

Ішкі бағыттар

Қазақстан ішінде бір жаққа ұшу билеттерінің бағасы бағытқа қарай 8000, 10 000 және 12 000 теңгеден басталады.

«Арнайы тарифпен сатылатын билет саны шектеулі. Сондықтан билет сатып алуды кейінге қалдырмауға кеңес береміз. Сұраныс жоғары бағыттар әдеттегідей бірінші күні-ақ тез сатылып кетеді», – делінген хабарламада.

8000 теңгелік бағыттар:

• Алматыдан – Шымкент, Түркістан, Қызылорда, Өскеменге;

• Астанадан – Шымкент, Қостанай, Семей, Өскеменге;

• Ақтаудан – Атырауға;

• Атыраудан – Ақтауға.

10 000 теңгелік бағыттар:

• Ақтаудан – Орал, Ақтөбеге;

• Алматыдан – Қарағанды, Астана, Семейге;

• Астанадан – Түркістан, Ақтөбе, Қызылордаға.

12 000 теңгелік бағыттар:

• Алматыдан – Ақтөбе, Атырау, Қостанай, Ақтау, Оралға;

• Астанадан – Атырау, Ақтау, Оралға;

• Шымкенттен – Атырау, Ақтауға.

Кері бағыттағы билеттердің бағасы да осындай. Тек Ақтөбе–Ақтау бағытында тариф тұрақты – 8000 теңге.

Халықаралық бағыттар

Жеңілдіктер халықаралық рейстерге де тарайды. Олардың ішінде жаңа бағыт – Ақтау–Дубай, оның алғашқы рейсі 29 қарашада орындалады.

Бір бағыттағы билет бағасы:

• Алматы–Инін: 16 629 теңгеден, кері – 26 784 теңгеден;

• Алматы–Кутаиси: 38 044 теңгеден, кері – 38 340 теңгеден;

• Астана–Кутаиси: 37 620 теңгеден, кері – 38 340 теңгеден;

• Астана–Ташкент: 28 440 теңгеден, кері – 31 320 теңгеден;

• Атырау–Кутаиси: 29 380 теңгеден, кері – 27 270 теңгеден;

• Ақтау–Кутаиси: 26 780 теңгеден, кері – 27 270 теңгеден;

• Ақтау–Дубай: 61 340 теңгеден, кері – 63 714 теңгеден.

Билеттерді FlyArystan-ның ресми сайты, мобильді қосымшасы және өзге де ресми сату арналары арқылы сатып алуға болады.

Тарифке мыналар кіреді:

• ұшақтағы бір кездейсоқ орын;

• 5 кг-ға дейінгі қол жүгінің нормасы (56×23×36 см).

Акция тек 25 қазанға дейін ғана жалғасады.