50 жылдық тыйымға қарамастан: Нұрлан Сабуров Ресейге қайтқысы келетінін айтты

Ресейге 50 жыл мерзімге кіруге тыйым салынған танымал қазақстандық стендап-комик Нұрлан Сабуров көрші елге қайта оралуды жоспарлап отыр. Бұл туралы ақпаратты РИА Новости агенттігі хабарлады.

Өзінің Таиландта өткен кезекті концертінде артист сахна төрінен Ресейге бару ниеті бар екенін ашық айтқан.

 «Мен Ресейге оралуды жоспарлап отырмын. Сондықтан қазірден бастап мәлімдеймін: бұдан былай менің өнер көрсетулерім аса патриоттық сипатта болады», - деді Сабуров әзіл-шыны аралас.

Көрермендер комиктің бұл сөздерін зор қошеметпен қабылдаған.

Нұрлан Сабуров өзіне салынған жарты ғасырлық шектеуге қатысты әзілдеп, мұндай ұзақ мерзімді санкцияның тіпті саяси тұлғаларда да жоқ екенін айтты.

«50 жыл деген не? Мен не, Дракуламын ба?» - деп ирониямен атап өтті артист.

Естеріңізге сала кетейік, 6 ақпанға қараған түні Нұрлан Сабуров Мәскеудің «Внуково» әуежайында ұсталған болатын. Оған Ресей Федерациясының аумағына кіруге тыйым салу туралы ресми құжат табысталды. Бастапқыда оны Біріккен Араб Әмірліктеріне депортациялау мәселесі қаралғанымен, сол күні комик Алматы қаласына ұшып келу туралы шешім қабылдаған еді.