50 дәрі тегін дәрі-дәрмек тізімінен алынды: қалтаға қаншалықты салмақ түседі?

Қазақстанда тегін және жеңілдікпен берілетін амбулаториялық дәрілер тізіміне өзгеріс енгізілді. Бұл туралы Денсаулық сақтау министрлігі мәлім етті, деп хабарлады «31 арна».

Министрлік халықаралық тәжірибе мен клиникалық ұсынымдарға сүйене отырып, 32 нозологияны және 52 дәрілік затты тізімнен алып тастау туралы шешім қабылдады. Бұл, негізінен, жұқпалы аурулармен ауыратын науқастарға қатысты, бірақ тек олармен шектелмейді.

Медицина ғылымдарының кандидаты, қоғам белсендісі Қайырғали Көнеевтің айтуынша, карбамазепин препараты тізімнен алынып тасталды.

«Бұл дәріні эпилепсиямен ауыратын ересектер мен балалардың көбі қабылдайтын. Бронхит, пневмонияға арналған антибиотиктер де алынып тасталды. Амбулаториялық емдеуде қолданылатын негізгі дәрілерден айырылып жатырмыз», – деді ол.

Ал Денсаулық сақтау министрлігі бұл препараттардың көбі емдеу нәтижесіне елеулі әсер етпейтінін, симптоматикалық әсер ғана беретінін және кейбірі бір-бірін қайталайтынын айтады. Сонымен қатар логистика шығындары препараттың өз құнынан асып түскен жағдайлар болған.

Министрлік өкілі Гүлнара Сәрсенбаеваның айтуынша, бұл өзгеріс инвалидтікке және өлім-жітімге тікелей әсер етпейтін, қысқа мерзімді ауруларға қатысты.

«Бұл науқастар дәрі-дәрмектен мүлде қағылады деген сөз емес. Қажет болған жағдайда, дәрілер жергілікті бюджеттен немесе медициналық ұйымдардың қаражаты есебінен сатып алынады», – деді ол.

Айта кетейік, дәріханаларда тізімнен алынған дәрілердің басым бөлігі арзан болғанымен, арасында 15 мың теңгеден асатын қымбат препараттар да бар. Олардың көбінде балама нұсқалар жоқ.

Жаңа бұйрық 3 мамырдан бастап күшіне енеді.

Тегін дәрі-дәрмек тізімінен алынған дәрілер:

Кепілдендірілген тегін медициналық көмек аясынан шығарылған дәрілік заттар:

• Омепразол

• Висмут трикалий дицитраты

• Амоксициллин

• Кларитромицин

• Метронидазол

МӘМС жүйесі бойынша ересектерге арналған тізімнен шығарылған дәрілік заттар:

• Амоксициллин

• Азитромицин

• Омепразол

• Фамотидин

• Карбамазепин

• Амоксициллин мен клавулан қышқылы

• Офлоксацин

• Тобрамицин

• Ацикловир

• Хлорамфеникол

• Гидрокортизон

• Преднизолон

• Доксазозин

• Дутастерид

• Бромокриптин

• Тамоксифен

• Диеногест

• Левоноргестрел

• Цефуроксим

• Цефиксим

• Сульфаметоксазол мен Триметоприм

• Ципрофлоксацин

• Нитрофурантоин

Балаларға арналған амбулаториялық дәрілер тізімінен шығарылғандар:

• Амоксициллин мен клавулан қышқылы

• Цефуроксим

• Азитромицин

• Ранитидин

• Омепразол

• Эзомепразол

• Метоклопрамид

• Домперидон

• Кларитромицин

• Метронидазол

• Мультиферменттер

• Октреотид

• Ибупрофен

• Парацетамол

• Урсодезоксихол қышқылы

• Диклофенак

• Суматриптан

• Карбамазепин

• Окскарбазепин

• Сусыз глюкоза

• Натрий хлориді

• Калий хлориді

• Натрий цитраты

• Ондансетрон

• Ацикловир

• Валацикловир

• Мебендазол

• Альбендазол

• Левамизол

• Метилпреднизолон

• Хлоропирамин

• Цетиризин

• Лоратадин

• Цефиксим

• Сульфаметоксазол мен Триметоприм

• Нитрофурантоин

• Доксициклин

• Флуконазол