«40 жастағылардың миы 15 жастағы баладай»: Тоқаев әлеуметтік желілердің қаупі туралы

Президент әлеуметтік желілер адамның ойлау қабілетіне кері әсер етіп, когнитивті деңгейін төмендететінін мәлімдеді. Оның айтуынша, осындай кезеңде газет-журналдар «қайта өрлеу» (ренессанс) дәуірін бастан кешуде.

Тоқаев бүгінде ойлау деңгейі жасөспірімдердікіндей ересек адамдарды жиі кездестіруге болатынын атап өтті. Сонымен қатар ол кәсіби журналистика құндылықтарды сақтауға және ел игілігі үшін нағыз еңбек етіп жүрген жандар туралы айтуға көмектесетінін баса айтты.

Ал танымал TikTok, Instagram және Telegram-арналар, оның пікірінше, еңбек адамдарының мүддесінен алшақ:

«Біздің қоғам тек сенсациялық жаңалықтармен және бейнероликтер қараумен шектелмей, мағыналы ақпаратты бағаласа екен деймін».