$ 509.63 € 592.34 ₽ 6.54

321 млн теңге шығын: Оңтүстік Қазақстан университетінің экс-директоры сотқа тартылды

Абдрахманов Мағжан
19 қаңтар 2026, 10:15
321 млн теңге шығын: Оңтүстік Қазақстан университетінің экс-директоры сотқа тартылды Сурет авторы: auezov.edu.kz

Оңтүстік Қазақстан университетінің бұрынғы директоры бюджет қаражатын жымқырды деген күдікпен сот алдында жауап беріп жатыр. Бұл туралы Қаржылық мониторинг агенттігі мәлімдеді.

Тергеу деректеріне сәйкес, мемлекетке келтірілген залал көлемі 321 млн теңгені құраған. Аталған іс бойынша университеттің қаржы және әкімшілік департаменттерінің директорлары, өндірістік-техникалық бөлімнің қойма меңгерушісі, сондай-ақ мердігер ұйымдардың басшылары да күдікті ретінде танылып отыр.

Агенттік мәліметінше, күдіктілер мемлекеттік сатып алулар аясында жалған келісімшарттар жасаған. Бұл шарттар бойынша тауарлар мүлде жеткізілмеген немесе нарықтағы бағадан әлдеқайда жоғары құнмен сатып алынған.

Сот санкциясымен күдіктілерге тиесілі 4 тұрғын үй, 1 автокөлік, сондай-ақ банктік шоттардағы 40 млн теңге көлеміндегі қаражатқа тыйым салынды.

Қазіргі уақытта қылмыстық іс бойынша сот талқылауы жүріп жатыр. Тергеу органдары барлық мән-жайды анықтауға бағытталған жұмыстарды жалғастыруда.

#Оңтүстік Қазақстан университеті #Қаржы жымқыру

Соңғы жаңалықтар