23 тамызда Астанада LRT мен автобустар тегін қатынайды

23 тамыз күні Астанада қоғамдық көлікпен қатынау тегін болады. City Transportation Systems хабарлауынша, бұл күні қалалық, экспресс және қала маңына қатынайтын автобустармен қатар, Tarlan Astana мен LRT желісінде де жолақы төлеудің керегі жоқ.

Мұндай шешім азаматтардың еркін қозғалуын қамтамасыз ету және инфрақұрылымның қолжетімділігін арттыру мақсатында қабылданған. Көлік компаниясы тұрғындардан бұл ақпаратты жол жүру бағытын жоспарлау кезінде ескеруді сұрайды.

Айта кетейік, сайлау учаскелері мен дауыс беру ережелері туралы ресми ақпаратты Қазақстан Республикасы Орталық сайлау комиссиясының ресми порталынан білуге болады.