$ 493.36 € 572.84 ₽ 6.29

2030 және 2034 жылы футболдан әлем чемпионаты қайда өтетіні белгілі болды

Редакция
12 желтоқсан 2024, 03:02
2030 және 2034 жылы футболдан әлем чемпионаты қайда өтетіні белгілі болды Сурет авторы: PA

Футболдан 2030 жылғы Әлем чемпионатын бірден үш ел – Испания, Португалия және Марокко қабылдайды. Ал 2034 жылы Мундиаль Сауд Арабиясында өтпек. Бұл туралы Халықаралық футбол федерациясы (ФИФА) мәлімдеді.

ФИФА-ның бұл шешімі ұйымның кезекті конгресінде қабылданды.

2030 жылғы Әлем чемпионаты ерекше болмақ. Өйткені бұл жылы футбол тарихындағы алғашқы Әлем чемпионатының өткеніне 100 жыл толады. Осыған орай, турнирдің ашылу матчы Уругвайда өтеді. Дәл осы елде 1930 жылы алғашқы Мундиаль ұйымдастырылған еді. Ал екінші және үшінші матчтар Аргентина мен Парагвайда өтеді.

Осылайша, 2030 жылғы турнир тарихта алғаш рет алты елдің аумағында ұйымдастырылатын Әлем чемпионаты болмақ.

2034 жылы турнир Сауд Арабиясында өтеді. Бұл ел өтінім берген жалғыз үміткер болды. Сауд Арабиясында жаздың тым ыстық болуына байланысты чемпионат қыс мезгілінде өтеді.

Айта кетейік, келесі Әлем чемпионаты 2026 жылы АҚШ, Канада және Мексика елдерінде өтеді. Ал 2022 жылғы чемпионат Катарда ұйымдастырылып, Аргентина жеңімпаз атанған еді.

Соңғы жаңалықтар