2027 жылы минималды жалақы қанша болады

Қазақстандықтардың қалтасына түсетін табыс көлемі алдағы уақытта қалай өзгереді? Еңбек және халықты әлеуметтік қорғау министрі Асқарбек Ертаев 2027 жылға арналған ең төменгі жалақы (ЕТЖ) мөлшеріне қатысты маңызды мәлімдеме жасап, халықты елең еткізді.

Қоғамда ең төменгі жалақы бірден 150 мың теңгеге жетеді деген ақпарат тараған болатын. Алайда ведомство басшысы мұндай күрт өсімнің маловероятен (мүмкіндігі аз) екенін ашық айтты. Министрдің пайымынша, жалақы экономикалық көрсеткіштер мен актуарлық есептеулерге сүйене отырып, біртіндеп өсуі тиіс.

Министрлік Үкіметтің экономикалық блогының қарауына жалақыны өсірудің бес түрлі нұсқасын жолдады. Олардың ішінде 90 000, 95 000 және 100 000 теңгелік есептер бар. Ендігі шешімді Қаржы және Ұлттық экономика министрліктері қабылдайды. Олар бюджеттің мүмкіндігін саралап, соңғы нүктені қоймақ.

"Біз әдістемені дайындадық, енді экономикалық блок қай жолмен жүретінімізді айтуы тиіс," — деді Асқарбек Ертаев

Жаңа әдістеме Халықаралық еңбек ұйымының талаптарына сай жасалған. Оған сәйкес, ең төменгі жалақы елдегі орташа және медианалық табыстан тым алшақтап кетпеуі керек. Сонымен қатар, мамыр айында бюджеттік сала қызметкерлерінің еңбекақысын көтеруге қатысты нақты шаралар пакеті таныстырылады деп күтілуде.

Естеріңізге сала кетейік, бұған дейін депутаттар ЕТЖ-ны 110 мың теңгеге дейін көтеруді ұсынғанмен, Үкімет бұл шешімді мақұлдамаған болатын. 2027 жылғы нақты мөлшер осы жылдың соңына дейін бекітілетін іс-қимыл жоспары аясында белгілі болады.