2026 жылғы Әлем чемпионатына билеттер қашан сатылымға шығатыны белгілі болды: бағалары қандай?

FIFA 2026 жылы АҚШ, Канада және Мексикада өтетін футболдан Әлем чемпионатына билет сатылымының бірінші кезеңін жариялады.

🗓 Бірінші кезең – Visa Presale Draw

Алғашқы сатылым кезеңі – Visa Presale Draw. Ол 10 қыркүйекте басталып, 19 қыркүйекке дейін жалғасады. Бұл кезеңде Visa картасы бар жанкүйерлер өтінім беріп, кездейсоқ таңдау (лотерея) арқылы билеттерді сатып алу мүмкіндігіне ие болады. Нәтижелер 29 қыркүйектен бастап электронды пошта арқылы хабарланады. Сәтті таңдалғандар 1 қазаннан бастап өздеріне белгіленген уақыт аралығында билеттер сатып ала алады.

💵 Бағалар

• Топтық кезең матчтарының билеттері 60 АҚШ долларынан басталады.

• Финалдағы ең қымбат VIP-орындар құны 6 730 АҚШ долларына дейін жетеді.
  Жалпы сатылымға барлық 104 матчқа арналған билеттер ұсынылады. Сонымен қатар жанкүйерлерге командаға немесе стадионға байланысты арнайы пакеттер де қолжетімді болмақ.

🔄 Келесі кезеңдер

• 27–31 қазан аралығында – екінші кезең өтінім қабылдау терезесі ашылады. Бұл кезеңде де өтінім беріп, кездейсоқ таңдау арқылы билеттерді сатып алуға мүмкіндік беріледі.

• Үшінші кезең – турнирдің финалдық жеребесі өткеннен кейін басталады. Жанкүйерлер белгілі болған матчтарға тікелей өтінім бере алады.

• Турнирге жақындаған сайын қалған билеттер «алғашқы келген – бірінші алады» қағидаты бойынша сатылымға шығады.

FIFA жанкүйерлердің қауіпсіздігі үшін ресми қайта сату платформасын іске қоспақ. Сонымен қатар арнайы supporter tickets және conditional supporter tickets пакеттері де қолжетімді болады.

2026 жылғы Әлем чемпионаты тарихтағы ең ірі турнир болмақ. Финалдық кезеңге тұңғыш рет 48 құрама қатысып, жарыс 16 қалада, үш ел аумағында өтеді.