2026 жылдан бастап жол ережесін бұзғандарға салынатын айыппұл мөлшері қанша?

2026 жылдан бастап Қазақстанда жол қозғалысы ережелерін бұзғаны үшін салынатын айыппұлдар айлық есептік көрсеткіштің (АЕК) өсуіне байланысты қайта есептелді. Жаңартылған мөлшерлемелерге сәйкес, жүргізушілер мен жаяу жүргіншілер үшін бірқатар негізгі бұзушылықтың құны айтарлықтай қымбаттайды.

Жылдамдықты арттыру

• Жылдамдықты 10–20 км/сағатқа арттыру – 5 АЕК, яғни 21 625 теңге

• 20–40 км/сағатқа дейін асыру – 10 АЕК, 43 250 теңге

• 40 км/сағаттан жоғары асыру – 20 АЕК, 86 500 теңге

• Жылдамдықты аса жоғары деңгейде асырудың қайталануы – 30 АЕК, 129 750 теңге

Құжатсыз басқару және жол белгілерін елемеу

• Жүргізуші куәлігінсіз көлік басқару – 5 АЕК, 21 625 теңге

• Жол белгілері мен жол сызығын (сызықтық белгі) сақтамау – 3 АЕК, 12 975 теңге

Бағдаршам сигналын сақтамау

• Қызылға өту – 10 АЕК, 43 250 теңге

• Қайталанған жағдайда – 15 АЕК, 64 875 теңге

Жол мен тротуарды дұрыс пайдаланбау

• Көлікпен жаяу жүргінші жолымен жүру – 15 АЕК, 64 875 теңге

• Тұрақ ережелерін бұзу – 5 АЕК, 21 625 теңге

• Көлікті тротуарға қою – 10 АЕК, 43 250 теңге

• Ақылы автотұрақ үшін төлем жасамау – 3 АЕК, 12 975 теңге

Полиция талабына бағынбау

• Патрульдік полицейдің тоқтау туралы талабын орындамау – 40 АЕК, 173 000 теңге

• Қайталанған жағдайда жүргізуші құқығынан айыру немесе әкімшілік қамау түріндегі жаза қолданылуы мүмкін

• Егер жүргізуші бұған дейін-ақ құқығынан айырылған болса, – 60 АЕК, 259 500 теңге

Телефон пайдалану, белдік тақпау және тасымалдау ережесін бұзу

• Рөлде отырғанда телефон қолдану, қауіпсіздік белдігін тақпау немесе жолаушыларды тасымалдау қағидаларын бұзу – 5 АЕК, 21 625 теңге

Жаяу жүргіншілерге қатысты айыппұлдар

• Жол қозғалысы ережесін бұзған жаяу жүргінші – 2 АЕК, 8 650 теңге

• Қайталанған жағдайда – 10 АЕК, 43 250 теңге