2025 жылы қанша адам әскерге шақырылмақ?

Қорғаныс министрлігі 2025 жылы азаматтарды мерзімді әскери қызметке шақыру туралы қаулы жобасын дайындады. Құжат «Ашық НҚА» порталында жарияланды.

Жоспар бойынша, әскерге шақыру екі кезеңде өтеді: наурыздан маусымға дейін және қыркүйектен желтоқсанға дейін. Осы уақыт аралығында 41 706 азамат әскер қатарына алынбақ.

Әскерге 18-27 жас аралығындағы, кейінге қалдыру құқығы жоқ ер азаматтар шақырылады.

Салыстырмалы түрде, 2024 жылы шамамен 40,2 мың азамат әскерге шақырылған болатын.