$ 463.41 € 546.27 ₽ 6.18

2025 жылдың қорытындысы: Қазақстан экономикасы соңғы онжылдықтағы ең жоғары көрсеткішке жетті

Редакция
30 желтоқсан 2025, 10:52
2025 жылдың қорытындысы: Қазақстан экономикасы соңғы онжылдықтағы ең жоғары көрсеткішке жетті Сурет авторы: Bizmedia.kz

2025 жылдың қорытындысы бойынша Қазақстан экономикасының өсімі 6%-дан асуы мүмкін. Бұл туралы Президенттің көмекшісі — баспасөз хатшысы Руслан Желдібай мәлімдеді.


Оның айтуынша, ел тарихында алғаш рет ЖІӨ (жалпы ішкі өнім) 300 миллиард доллардан асады, ал жан басына шаққандағы көрсеткіш 15 мың долларға жетеді. Естеріңізге сала кетейік, бұған дейін Президент Қасым-Жомарт Тоқаев экономиканың жыл сайынғы өсімін 6%-дан төмендетпеу міндетін қойған болатын.

Желдібай 2025 жылы елімізде құны 1,48 триллион теңге болатын 185 жоба іске қосылғанын, соның арқасында 22,8 мыңнан астам тұрақты жұмыс орны ашылғанын атап өтті. Жобалар толық қуатына шыққанда, өндіріс көлемі шамамен 2,3 триллион теңгені құрайды.

Сондай-ақ  биылғы жылдың негізгі бағыттары ретінде көлік және логистика, агроөнеркәсіптік кешен, цифрландыру мен жасанды интеллектті дамыту, жұмысшы мамандықтарын қолдау және белсенді халықаралық күн тәртібі аталды.

#Қазақстан #ЖІӨ #Рекорд #2025 жыл #Тоқаев #Инвестиция #Жаңалықтар #Өндіріс #Жұмыс орындары #Қаржы #Руслан Желдібай #Даму #Инновация

Соңғы жаңалықтар