200 мың адам расымен жұмысқа тұрды ма? Министірлік есеп берді

Еңбек және халықты әлеуметтік қорғау министрлігінің ресми мәлімдемесіне сәйкес, ағымдағы жылдың бес айының қорытындысы бойынша елімізде 200,4 мың азамат ресми түрде жұмысқа орналастырылды. Еңбек министрлігінің мамандары әрбір еңбек шартының заңдылығы мен нақтылығын міндетті зейнетақы жарналарының аударылуы арқылы қатаң тексеруден өткізуде.

Жұмыспен қамтылған азаматтардың көрсеткіші төмендегідей бағыттар бойынша бөлінген:

 69,9 мың адам – «Enbek.kz» электрондық еңбек биржасы арқылы өздігінен бос жұмыс орындарын тапты;

 69,8 мың адам – мемлекет тарапынан тікелей субсидияланатын жұмыс орындарына орналасты;

 55,7 мың адам – Президенттің «100 мың тұрғынға – 10 жұмыс орны» бастамасы аясында еңбекпен қамтылды;

 5,0 мың адам – орталық мемлекеттік органдар жүзеге асырып жатқан жобаларға тартылды.

Субсидияланатын жұмыс орындары және әлеуметтік бағдарламалар

Еңбек нарығындағы қолдау шараларының негізгі құралы ретінде субсидияланатын жұмыс орындары қалып отыр. Бұл бағыт бойынша 70 мыңға жуық азамат жолдама алды. Оның ішінде 49,6 мың адам қоғамдық жұмыстарға, ал 8,2 мың азамат әлеуметтік жұмыс орындарына орналастырылды.

Нысаналы топтарды қолдау аясында жоғары нәтижелер тіркелді:

 Үлкен буын өкілдеріне арналған «Күміс жас» бағдарламасы бойынша 7,1 мың адам жұмыс тапты;

 Оқу орындарын жаңадан бітірген 4,9 мың түлек кәсіби тәжірибе жинақтау үшін «Жастар практикасына» жіберілді.

Сонымен қатар, мансап орталықтары еңбек нарығының сұранысына сай азаматтарды қайта даярлау шараларын белсенді жүргізуде. Жыл басынан бері 37,5 мың жұмыссыз азамат бейінді онлайн-курстардан өтіп, оның 29,3 мыңы сәтті аяқтағаны туралы сертификат алды. Тағы 170,6 мың қазақстандық кәсіптік бағдарлау және мамандық таңдау бойынша кеңес алды.

Мемлекет жаппай кәсіпкерлікті дамытуға ерекше көңіл бөлуде. «Бастау Бизнес» жобасы шеңберінде жыл басынан бері 21 мың адам бизнес негіздерін оқуды бастады.

«2026 жылы халықтың әлеуметтік осал санаттарына жататын азаматтар үшін 9 мың мемлекеттік грант бөлу көзделген. Жаңа бизнес-бастамаларды іске асыруға берілетін бір реттік қайтарымсыз грант көлемі 400 АЕК-ке дойынды құрайды, бұл 1 730 000 теңгеге тең», — деп нақтылады ведомство өкілдері.

Министрліктің мәліметінше, аталған мемлекеттік қолдау шаралары жыл соңына дойын еліміздің барлық өңірлерінде жоспарлы түрде жалғасады.