200 еуродан асатын тауарға жаңа салық енгізілді

Еуразиялық экономикалық комиссия (ЕЭК) сыртқы электрондық сауда ережелеріне түбегейлі өзгерістер енгізді. 2026 жылдың 1 шілдесінен бастап Қытай, АҚШ және Еуропа елдерінен тауар тапсырыс беру тәртібі айтарлықтай өзгереді.

ЕАЭО-ға мүше емес елдерден келетін сәлемдемелер үшін жаңа қаржылық талаптар бекітілді. Басты айырмашылық -  салық салу принципінде:

•  Лимит - 200 еуро: Тауар құны 200 еуродан аспаса, ешқандай қосымша төлем алынбайды.
• Толық сомаға салық: Бұрын баж салығы тек лимиттен асқан сомаға (мысалы, 250-ден асқан 50 еуроға) ғана салынса, енді тауардың бүкіл құнынан (барлық 250 еуродан) есептеледі.

Сатып алу құнының 5%-ы көлемінде кедендік баж салығы және елімізде бекітілген мөлшерлеме бойынша ҚҚС (қосылған құн салығы) төленеді. Бұл ретте баж салығының ең төменгі шегі килограмына 1 еуродан кем болмауы тиіс.

 Сонымен қатар жаңа ережеде салмаққа қатысты шектеулер алынып тасталды, басты назар тек тауардың бағасына аударылады.

Келесі өнім түрлері үшін жеңілдіктер қарастырылмайды және олар жалпы ережемен декларациялануы тиіс:

• Арнайы жабдықтар: Солярийлер, медициналық жиһаздар, ойын автоматтары және іштен жанатын қозғалтқыштар.
• Акцизді және қауіпті өнімдер: Алкоголь, темекі, қару-жарақ пен оқ-дәрілер.
• Көліктер: Автомобильдер, су және әуе кемелері.

Билік бұл қадамды «сұр импортқа» қарсы күрес деп түсіндіреді. Осы уақытқа дейін көптеген кәсіпкерлер тауарды «жеке пайдалану үшін» деген желеумен тонналап тасып, мемлекетке салық төлеуден қашып келген. Жаңа жүйе отандық адал кәсіпкерлерді қолдап, бюджет түсімдерін арттыруды көздейді.