$ 493.36 € 572.84 ₽ 6.29

18 көлік соқтығысты: Алматы облысында ірі жол апаты болды

Редакция
15 қаңтар 2025, 01:49
18 көлік соқтығысты: Алматы облысында ірі жол апаты болды Сурет авторы: видеодан кадр

15 қаңтарда таңғы сағат 07:30 шамасында “Алматы-Өскемен” тасжолының 28-шақырымында, “Алматы-Қонаев” бағытында 18 автокөлік соқтығысып, ірі жол апаты болды. Апат қалың тұманның әсерінен орын алған.

Алдын ала мәліметтерге қарағанда, жол-көлік оқиғасына жүргізушілердің тұманды ауа райында жылдамдықты дұрыс таңдамауы және көліктер арасындағы қауіпсіз қашықтықты сақтамауы себеп болған. Апат болған жол учаскесі кең, 6 жолақты және сапасы талаптарға сай болған. Жол беті құрғақ болған әрі онда ақау болмаған.  

Оқиға салдарынан зардап шеккендер мен қаза тапқандар жоқ. Қазіргі уақытта 18 көліктің 16-сы жолдан шығарылды, ал қалған екі көлік эвакуаторды күтіп тұр.

Қазіргі сәтте Алматы-Өскемен автожолының учаскесінде қозғалыс ашық. Жол-көлік оқиғасынан кейін жол қызметі жолдың бойын тазалап өтті.

Соңғы жаңалықтар