$ 491.59 € 572.16 ₽ 6.24

15 наурызда Астана мен Алматыда қоғамдық көлік тегін болады

Редакция
11 наурыз 2026, 14:33
15 наурызда Астана мен Алматыда қоғамдық көлік тегін болады Сурет авторы: Inbusiness.kz

Елорда мен Алматы қаласының әкімдіктері алдағы референдум күніне орай жолаушылар үшін арнайы жеңілдік жариялады. 15 наурызда еліміздің ең ірі екі мегаполисінде тұрғындар мен қала қонақтары қоғамдық көліктерде тегін жүре алады.

Елорда әкімдігінің мәліметінше, бұл күні қала ішіндегі барлық маршруттармен қатар, қала маңына қатынайтын автобустар да жолаушыларды ақысыз тасымалдайды.

Алматыда да осындай бастама қолға алынбақ. Тұрғындар үшін автобустар мен троллейбустардан бөлек, Алматы метрополитенінің қызметі де бір күн бойы тегін болады.

Бұл шара 15 наурызға жоспарланған жалпыхалықтық референдумға байланысты ұйымдастырылып отыр. Еске сала кетейік, бұл күні қазақстандықтар елдің жаңа Конституциясын қабылдау мәселесі бойынша дауыс береді.

#Тегін автобус #Астана жаңалықтары #Алматы көлігі #Конституциялық реформа #Қоғамдық көлік

Соңғы жаңалықтар