13 желтоқсанда қазақстандықтар онкологиялық орталықтарда тегін тексерістен өте алады

Қазақстанның барлық өңірінде 13 желтоқсан күні ас қорыту жүйесінің ауруларын алдын алу және асқазан, ұйқы безі мен бауыр қатерлі ісігін ерте анықтау мақсатында Біріккен ашық есік күні өтеді, деп хабарлайды onco.kz.

Іс-шара ас қорыту жүйесі аурулары туралы халықтың хабардарлығын арттыру мақсатында өткізілді. Негізгі мақсат – адамдарға уақтылы тексеріліп тұрудың маңызын түсіндіру.

Елімізде жыл сайын 5 мыңнан астам жаңа жағдай тіркеледі, көбіне науқастар аурудың III сатысында қаралады.

Қашан және қайда:

13 желтоқсан, 09:00–13:00, барлық онкологиялық орталықтар.

Консультация кімге қолжетімді:

Жасына, тұрғылықты жеріне немесе жолдамасының болуына қарамастан барлығына қолжетімді.

Не күтеді:

• Алдыңғы қатарлы онкологтардың тегін қабылдауы;

• Сұрақтарға жауап алу;

• Жеке қауіп факторларын бағалау;

• Денсаулықты сақтау және өмір салты бойынша кеңестер;

• Қатерлі ісіктерді диагностикалау мен емдеудегі заманауи тәсілдер.

Не керек:

Өзіңізбен бірге жеке куәлігіңіз қажет.