12 жылдан кейін: Төрехан Сабырхан Азия ойындарының чемпионы атанды

Қазақстандық боксшы Төрехан Сабырхан Жапонияда өтіп жатқан Аичи–Нагоя Азия ойындарының чемпионы атанды. Ол 70 келіге дейінгі салмақ дәрежесінің финалында Иордания өкілі Зейяд Ишашты жеңді.

Жекпе-жек төрешілердің бірауыздан шығарған шешімімен 5:0 есебімен Сабырханның пайдасына аяқталды. Осылайша Қазақстан бокстан Азия ойындарындағы 12 жылға созылған алтынсыз кезеңін тоқтатты. Бұған дейін қазақстандық боксшылар 2014 жылы Инчхонда өткен Азия ойындарында алтын алған еді.

Төрехан Сабырхан жарысты 70 келіге дейінгі салмақта өткізді. Ол алғашқы кездесуінде Қатар өкілін 5:0 есебімен жеңіп, ширек финалда ирактық Али Касим Хамдам Әл-Саррайды бірінші раундта нокаутқа түсірді. Жартылай финалда өзбекстандық Шавкатжон Болтаевты да 5:0 есебімен жеңген. 

Сабырхан 2025 жылы Ливерпульде өткен World Boxing әлем чемпионатында да топ жарған. Биылғы Азия ойындарында ол Қазақстан ерлер құрамасы сапында 70 келіге дейінгі салмақта сынға түсті.