Болашақ олимпиада жүлдегерлерін қалай тәрбиелеуге болады?

Түркістан Облысы Білім басқармасының “Облыстық дарынды балаларды анықтау және қолдау орталығы” және “Білім-Инновация” Халықаралық қоғамдық қорының ұйымдастыруымен мұғалімдерге арналған «Дарынды оқушыларды анықтау және олармен білім олимпиадасына дайындалу әдіс-тәсілдері мен стратегиясы» форумы өтті.

Форумда еліміздің ең үздік мамандары спикер ретінде қатысып, өз тәжірибесін бөлісті:

✨ Муаммер Гюль — Гиннес рекордтар кітабына енген ұстаз-математик,
оқушылары облыстық, республикалық және халықаралық додаларда жалпы саны 3013 медаль жеңіп алған, халықаралық деңгейдегі педагог.

✨ Жігер Тілеуқанов — «Қазақстанның Үздік мұғалімі – National Teacher Prize 2021»,
Global Teacher Prize 2023 номинанты, Qundylyq.kz компаниясының бас директоры.

✨ Ғани Нұрғожаев — “Білім-инновация” Халықаралық қоғамдық қорының кәсіби бағдар беру бөлімінің басшысы. Times Higher Education (THE) халықаралық ұйымы тарапынан аккредиттелген кәсіби бағдар беруші маман. Кәсіби бағдар беру саласы бойынша 20-дан астам мемлекетте халықаралық тәжірибе алмасу бағдарламаларынан өткен педагогика-психология ғылымдарының магистрі.

✨Индира Икапова — Түркістан «Оқушылар сарайының» директоры, Қазақстан Педагогикалық Ғылымдар Академиясының академигі

✨Еркебұлан Орынбасар — Түркістан «Білім-инновация» лицейінің»  мұғалімі әрі кәсіби бағдар беруші.

Форум ұстаздарға жаңа идеялар, тәжірибе алмасу алаңы және дарынды оқушылармен жұмыс жасаудың тиімді жолдарын ұсынды.