БИЛ оқушылары пәндік олимпиадада 1485 медальмен рекордтарын жаңартты

«БІЛІМ–ИННОВАЦИЯ» халықаралық қоғамдық қорына қарасты Білім-инновация лицейлерінің оқушылары пәндік олимпиадаларда жоғары нәтижелерге қол жеткізуді жалғастырып келеді. Қор мәліметінше, білім бәйгесінде жүлде алатын оқушылардың қатары жыл сайын артып отыр.

2025–2026 оқу жылының қорытындысы бойынша БИЛ оқушылары Республикалық пән олимпиадасының облыстық кезеңінде оқ бойы озық шығып, жалпы саны 1 485 медаль жеңіп алды. Оның ішінде 473 алтын, 451 күміс және 561 қола медаль бар.

Алдыңғы жылдармен салыстырғанда да оң динамика байқалады.
2024 жылы БІЛ оқушылары 383 алтын, 457 күміс және 498 қола медаль иеленсе,
2025 жылы бұл көрсеткіш 442 алтын, 466 күміс және 489 қола медальға жеткен.
2026 жылы алтын мен қола медаль саны айтарлықтай артқан.

Қор өкілдері бұл жетістікті жүйелі еңбектің, табандылықтың және сапалы білім берудің нәтижесі деп бағалайды.