Президент қолынан марапат алған жас математикке Cambridge бен Imperial таласуда

Қазақстандық білім саласы тағы бір тарихи жетістікпен толықты. «SPECTRUM» халықаралық мектебінің түлегі, математика саласының жарық жұлдызы Марғұлан Шарел әлемдік рейтингте көш бастап тұрған ең беделді екі университетке оқуға қабылданды.

Марғұлан Шарелдің интеллектуалдық әлеуетіне әлемнің алпауыт оқу орындары талас түсті десе болады. Ол QS рейтингінде 2-ші орында тұрған Imperial College London және 5-ші орындағы аңызға айналған University of Cambridge университеттеріне грант негізінде қабылданды. Бұл — қазақстандық оқушылардың халықаралық деңгейдегі бәсекеге қабілеттілігінің айқын дәлелі.

Марғұланның жетістіктері бұнымен шектелмейді. Ол - математикадан ең беделді IMO (International Mathematical Olympiad) жарысының үш дүркін жеңімпазы. Сонымен қатар, 2026 жылғы Республикалық олимпиадада математикадан «Абсолютті бірінші орынды» иеленіп, еліміздің ресми түрдегі ең үздік жас математигі мәртебесін бекітті.

Жас таланттың ерен еңбегі жоғары деңгейде еленді. Марғұлан Шарел Мемлекет басшысы Қасым-Жомарт Тоқаевпен жеке кездесіп, Президенттің қолынан арнайы марапат алды. Сонымен қатар, өзінің терең білімін өзге замандастарына үйретіп, тәлімгерлік жасағаны үшін 2024 жылы «Jibek Joly» телеарнасының «Жақсы адам» сыйлығының лауреаты атанған болатын.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QRNews (@qrnews.kz)