Оқушыларға арналған пән олимпиадалары жаңа форматта өтеді

Қазақстанда жыл сайын өтетін жалпы білім беретін пәндер бойынша республикалық олимпиада басталды.

Оқу-ағарту министрлігі баспасөз қызметінің хабарлауынша, олимпиада биыл алғаш рет бірден жеті өңірде өтеді.

Ұйымдастырушылардың айтуынша, бұл санитарлық, медициналық және өрт қауіпсіздігі мен қоғамдық тәртіптің барлық нормаларын күшейтуге мүмкіндік береді.

Жаратылыстану-математика бағыты: 

·      17-21 наурыз - Астана қ. физика, математика;

·      24-28 наурыз - Алматы қ. информатика, география;

·      27-31 наурыз - Павлодар қ. химия, биология. 

Қоғамдық-гуманитарлық бағыт: 

·     1-5 сәуір - Қостанай қ. орыс тілінде оқытатын мектептердегі қазақ тілі мен әдебиеті;

·      7-11 сәуір - Атырау қ. қазақ тілінде оқытатын мектептердегі орыс тілі мен әдебиеті;

·      14-18 сәуір - Өскемен қ. Қазақстан тарихы, құқықтану негіздері;

·      20-24 сәуір - Петропавл қ. ағылшын, неміс және француз тілдері.

Олимпиаданың республикалық кезеңіне барлығы 1668 оқушы қатысады. Жаратылыстану-математикалық - 946 және қоғамдық-гуманитарлық бағыттар бойынша 772 оқушы бақ сынайды.

Айта кетейік, қатысушылар арасында 87 олимпиадалық резерв мүшесі және ауыл мектептері арасындағы республикалық олимпиаданың 65 жеңімпазы бар.