Оқу-ағарту министрлігі оқушылардың сабақта телефон ұстауына қатысты шешім шығарды

Оқу-ағарту министрлігі мектеп оқушыларының сабақ кезінде ұялы телефонды қай уақытта және қалай пайдалана алатынын белгілейтін ресми ережені бекітті. Жаңа талаптарға сәйкес, оқушылар сабақ басталмас бұрын смартфондарын толықтай өшіруі немесе дыбыссыз режимге қоюы тиіс.

Алайда, сабақ барысында телефон ұстауға салынған қатаң тыйымға қарамастан, ережеде оқушыға смартфонды қолдануға рұқсат берілетін үш айрықша жағдай қарастырылған:

1. Мұғалімнің тікелей тапсырмасы болғанда: Егер оқу тапсырмасын орындау үшін смартфон қажет болса және мұғалім бұйырса;

2. Өмірге немесе денсаулыққа қауіп төнгенде: Оқушының немесе өзге де тұлғалардың қауіпсіздігіне қатер төнген төтенше жағдайларда;

3. Денсаулық жағдайына байланысты: Оқушының денсаулығын бақылау немесе медициналық қажеттіліктер үшін телефон ауадай қажет болған кезде.

Сондай-ақ, сабақ кезінде фото, аудио немесе видео түсірілім жасауға тек педагогтің рұқсатымен және жеке деректерді қорғау мен жеке өмірге қол тигізбеу туралы заңнаманы қатаң сақтай отырып қана рұқсат етіледі.

Бұдан бөлек, әрбір мектептің ішкі тәртібінде оқу процесі кезінде ата-аналар мен балалар арасында шұғыл ақпарат алмасуға арналған арнайы байланыс нөмірлері қарастырылуы тиіс. Ал оқушылардың телефондарын мектепте сақтау шарттары мен орны бұл ережеде нақтыланбаған.

Малика Азимбекова