Мақсатты мектептер жобасы тоқтатылды

Министр соңғы жылдары мектеп инфрақұрылымын жаңарту, контентті жетілдіру және педагог мәртебесін көтеру бойынша бұрын-соңды болмаған өзгерістер жүріп жатқанын атап өтті. Алайда, ұстаздарға әлі күнге дейін “қосымша жұмыс таңу” фактілері кездесетінін айтып, заңдағы нақты құқықтарды қатаң сақтауды тапсырды.

Сүлейменова кей өңірлердегі педагогикалық ұжымдар арасындағы кикілжіңдерді сынады. Тіпті бірінші тоқсан біткеніне қарамастан, әлі басшы тағайындалмаған мектептер бар екені айтылды.

Министр “Мақсатты мектеп” жобасының тоқтағанын хабарлады. Ал “Келешек мектептері” ұлттық жобасы жалғасуда: 217 мектеп салынады, күрделі жөндеуді қажет ететін нысандар бойынша реновация басталды.

Балалар қауіпсіздігіне тоқталған ол психологиялық қызметтің сапасын күшейтуді, мектеп басшылары мен педагогтердің жауапкершілігін арттыруды тапсырды.

Жиын соңында министр өңірлік басқармаларға:
– білім сапасын бақылауды күшейту
– қауіпсіздік шараларын қамтамасыз ету
– педагог құқықтарының бұзылуына жол бермеу
– қоғаммен ашық жұмыс істеу

сияқты нақты міндеттер жүктеді.