NURORDA ALMATY ЕКІНШІ ЖЫЛ ҚАТАРЫНАН «ЕҢ ҮЗДІК ЖЕКЕМЕНШІК МЕКТЕП» АТАНДЫ

Білім саласындағы кезекті айтулы дода қорытындыланып, мегаполистегі жекеменшік мектептер арасындағы ең үздік оқу орны белгілі болды. NURORDA ALMATY мектебі жоғары көрсеткіштерін дәлелдеп, екінші жыл қатарынан «ЕҢ ҮЗДІК ЖЕКЕМЕНШІК МЕКТЕП» номинациясын жеңіп алды.

Бұл марапат – оқу ордасының білім беру жүйесіндегі тұрақтылығы мен сапасының айқын көрсеткіші. Марапаттау салтанатында сарапшылар мектептің тек академиялық жетістіктерін ғана емес, сонымен қатар оқушыларға жасалған жағдай мен ұстаздар құрамының кәсіби деңгейін ерекше атап өтті.

Мектеп басшылығы бұл жеңістің артында үлкен ұжымдық еңбек тұрғанын алға тартады. Бұл тек мекеменің жетістігі емес, білікті ұстаздардың еңбегі мен білімге құштар оқушылардың, сондай-ақ сенім білдірген ата-аналардың ортақ мақтанышы.

"Бұл номинация – біздің жүйелі жұмысымыз бен білім саласындағы дұрыс стратегиямыздың нәтижесі. Біз алған асуымызбен тоқтамай, білім мен тәрбие жолында жаңа белестерді бағындыруды жалғастырамыз", – делінген мектептің ресми мәлімдемесінде.

NURORDA ALMATY ұжымы осы жетістікке үлес қосқан барша қауымға шынайы алғысын білдіреді. Екінші жыл қатарынан үздік атану – мектептің қала деңгейіндегі беделін нығайтып, білім нарығындағы көшбасшылық орнын айқындай түсті.