Narxoz университеті қазақ тілінен бас тартты

Narxoz университеті мемлекеттік тілден бас тартты. Бұл туралы журналист Диас Нұрақын өзінің Facebook әлеуметтік желісіндегі парақшасында бөлісті. 

Оның айтуынша, Narxoz-дың қазақ тілінен бас тартуы – университеттің ішкі саясатының көрінісі. Университеттегі ең жоғарғы 4 факультетінде қазақ және орыс топтары жабылғандықтан, басшылық осындай шешімге келген. 

Narxoz-да білім алғыңыз келсе, ағылшын тілін жетік меңгеруіңіз тиіс. Алдыңғы жылмен салыстырғанда университет қабырғасында қазақ тілінің сапасы күрт төмендеп, фокус ағылшын тіліне қойылған.

"Студенттер тек ағылшын бөлімінде білім алуда. Алайда университет қабырғасында 100% сабақ өтетін мұғалім де оны қағып алатын студент те жоқ", – дейді журналист. 

Жаңалық әлеуметтік желіде дереу тарап, бүгін де өзектілігін арттыра түсті. Қазақ тілін керек етпеген университетті естіген халық “бізге бұндай білім ордасы қажет емес, бұл ұлттық құлдыраудың шарықтау шегі” деп ұрандатуда.

Университет студенттердің көпшілігі аталмыш жаңалыққа оң көзбен қарайтынын жеткізді. Бірі ағылшын тілі үздік диплом алуға өз септігін тигізеді десе, енді бірі факультет қолдамаған тілді университет қолдайды дегенге сене алмаймын дейді.

“Нархоз университетінде көбіне ауыл мектебін тәмамдаған, ағылшын түгілі орыс тілін әлсін-әлсін меңгерген қазақ балалары келіп оқиды. Орыс тіліне күші жетпеген баланың ағылшын тілін алып кетеді дегені миға қонымсыз дүние. Бұл нағыз қазақылықтың құлдырауы, ұлттық құндылықтың ең төменгі дәрежесі”, – дейді журналист. 

Автор: Рахат Жора