Мектеп басшылары мектеп қаражатының 6 миллионын құмар ойынға ұтылған

Ақтөбе облысында спорт мектептерінің басшылары бюджетке түсуге тиіс қаражатты заңсыз пайдаланып, жеке мақсаттарына жымқырғаны анықталды. Облыстық прокуратураның мәліметінше, спорт алаңдары мен залдарды жалға беру арқылы әуесқой спорт командаларынан жиналған ақша негізсіз жұмсалған.

Соңғы үш жылда кәсіби спорт клубтарын дамыту үшін облыстық бюджеттен 13 миллиард теңгеден астам қаржы бөлінген, бірақ 6 миллион теңге спорт мектептері басшыларының жеке қажеттіліктеріне, соның ішінде букмекерлік кеңселерге ставка жасауға жұмсалған.

Сонымен қатар «Ақтөбе» футбол клубының ұшу қызметтері де заңсыз жолмен қымбат бағамен бірнеше делдал арқылы сатып алынғаны белгілі болды, бұл шығын 165 миллион теңгеден асып кеткен.

Барлық анықталған деректер бойынша Қазақстан Қылмыстық кодексінің 189-бабының 4-бөлігіне сәйкес, сотқа дейінгі үш тергеу ісі басталды.