“Қазақстанның Мұғалімі” ұлттық сыйлығының ТОП -10 финалисі белгілі болды

Астанада өткен Teacher’s Summit байқауы өз мәресіне жетіп, еліміздің үздік он мұғалімі анықталды. Байқау барысында Қазақстанның әр аймағынан жиналған 2200-ден астам мұғалімнің ішінен 50 финалист таңдалып, олардың ішінен үздік 10-ы іріктелді.

Бас жүлдені химия пәнінің мұғалімі Белоусова Татьяна Геннадьевна жеңіп алды. Ол Астанадағы №95 мектеп-лицейінде еңбек етеді. Жеңімпазға 10 миллион теңге көлемінде сыйақы табысталды.

ТОП-10 финалистері әрқайсысы 1 миллион теңгеден алды және Қазақстан атынан Global Teacher Prize жаһандық байқауына ұсынылады. Халықаралық сыйлықтың жүлде қоры – 1 миллион АҚШ доллары.

Бұл мұғалімдер жоғары академиялық жетістіктерімен ғана емес, білім беру саласын дамытуға қосқан үлестерімен де ерекшеленеді. Олар азаматтық белсенділік танытып, маңызды әлеуметтік жобаларды жүзеге асырған.

Байқауды Қазақстан Республикасының Оқу-ағарту министрлігі ұйымдастырды. Негізгі серіктестер:

• Freedom Bank – қаржылық қолдау көрсетті.
• Air Astana – екі бизнес-класс билетін сыйға тартты.
• Bilim Land және Абай атындағы Қазақ ұлттық педагогикалық университеті – стратегиялық серіктестер.

ТОП-10 финалистері:

1. Белоусова Татьяна Геннадьевна – Химия пәні мұғалімі, Астана.
2. Шерцер Александр Иванович – Информатика пәні мұғалімі, Қостанай.
3. Джусамбаев Мирлан Төлегенұлы – Физика пәні мұғалімі, Тараз.
4. Тобылбаев Еркін Теміржанович – Тарих пәні мұғалімі, Ақтөбе.
5. Шынтасова Гүлзат Бурабайқызы – Қазақ тілі мен әдебиеті пәні мұғалімі, Қызылорда.
6. Садыкова Салтанат Тоқтарханқызы – Информатика және математика пәні мұғалімі, ШҚО.
7. Даулешяр Бақытәлі Даулетярұлы – Физика пәні мұғалімі, Жамбыл облысы.
8. Чижевская Дарья Константиновна – Физика пәні мұғалімі, Алматы.
9. Байсақов Нұржан Елубайұлы – Қазақ тілі мен әдебиеті пәні мұғалімі, Астана.
10. Жүніс Октябрина Аманғельдіқызы – Математика пәні мұғалімі, Астана.