Қазақстандық оқушылар халықаралық олимпиадада алты медаль жеңіп алды

Бухарестте XXI Халықаралық жасөспірімдер арасындағы жаратылыстану-ғылыми олимпиадасы (IJSO) аяқталды. Бұл беделді білім сайысына әлемнің 60 елінен 360-тан астам оқушы қатысып, физика, химия және биология пәндері бойынша өз білімдерін көрсетті.

Қазақстан құрамасынан алты оқушы болды. Сайыс қорытындысы бойынша біздің оқушылар 100% нәтиже көрсетіп, алты медаль жеңіп алды:

Күміс: Айзере Жеңісханова – Өскемен қаласындағы ХБН НЗМ-нің 10-сынып оқушысы; 

Күміс: Әділ Жиенбаев – Алматы қаласындағы РФММ-нің 10-сынып оқушысы; 

Қола: Анастасия Пономарева – Астана қаласындағы РФММ-нің 9-сынып оқушысы;

Қола: Әбдіжан Ибраимов – Астана қаласындағы «NURORDA» мектеп-лицейінің 9-сынып оқушысы; 

Қола: Мұнар Сағымбай – Алматы қаласындағы РФММ-нің 10-сынып оқушысы; 

Қола: Әлихан Іскендір – Ақтөбе облыстық дарынды балаларға арналған «Білім-инновация» лицей-интернатының 9-сынып оқушысы. 

Команда жетекшілері:

Самат Мұратбекұлы Мақсұтов – PhD докторы, SDU доценті;

Айдос Бекзатұлы Сәрсенбай – Ш. Есенов атындағы Каспий технологиялар және инжиниринг университетінің студенті, халықаралық және республикалық олимпиадалардың жеңімпазы;

Мұхаммедәлі Ғаниұлы – SDU студенті, халықаралық және республикалық олимпиадалардың жеңімпазы. 

IJSO - 15 жасқа дейінгі мектеп оқушыларына арналған халықаралық ғылыми сайыс. Бұл олимпиада 2004 жылдан бері өткізіліп келеді. 2023 жылы Бангкокта өткен жарыста Қазақстан құрамасының барлық алты қатысушысы жүлдегер атанған болатын.