Қазақстанда ең қымбат саналатын «Хейлибери» мектептері тарихта қалмақ

Қазақстандағы ең беделді және қымбат халықаралық мектептердің бірі саналатын «Haileybury» атауы 2027 жылдан бастап ресми түрде жойылмақ. 2027–2028 оқу жылынан бастап Алматы мен Астанадағы мектептер «Wellington Almaty» және «Wellington Astana» деп қайта аталады.

«Haileybury» тобы өз «портфелін қайта қарау» аясында мектептерді 2027 жылдың қыркүйегінде жаңа серіктеске беретінін мәлімдеді. Алайда компанияның Қазақстаннан неліктен шығып жатқаны туралы қосымша түсінік берілмеді.

Алматыдағы мектеп 2008 жылы, Астанадағысы 2011 жылы «Haileybury» серіктестігімен ашылған болатын.  Бұл коммерциялық емес білім беру жобасы қазақстандық бизнесмендер тобының демеушілігімен іске қосылған еді.

Жаңа серіктес — Wellington College International бұл өзгерісті «жаңа деңгейге шығу» және «батыл қадам» ретінде бағалады. Компанияның мәліметінше, бұл серіктестік «Haileybury» кезінде қаланған берік іргетасты одан әрі дамытуға бағытталған.

Мектептің тарихы айтарлықтай. Оқу орны өз есігін ашқан алғашқы жылдары Қазақстанның тұңғыш президенті Нұрсұлтан Назарбаев, Ұлыбританияның жоғары білім министрі Дэвид Лэмми сынды тұлғаларды қабылдаған. 2010–2015 жылдар аралығында мектеп Майкл Кент ханзадасы, Дэвид Бекхэм және сэр Роджер Мур сияқты атақты қонақтарды да қарсы алды.

Бұл өзгеріс мектеп оқушылары мен ата-аналарға нақты бір нәрсені білдіреді: «Haileybury» деген атау Қазақстан білім кеңістігінде тарихқа айналып, орнын жаһандық деңгейде беделді «Wellington» брендіне береді.