Қазақстанда білім беру саласы цифрландырудың жаңа кезеңіне өтті

Қазақстанда ұлттық цифрлық контентті дамыту мен ақпараттық қауіпсіздікті қамтамасыз ету бағытында ауқымды жобалар жүзеге асып жатыр. Президент Қасым-Жомарт Тоқаев 8 қыркүйектегі Жолдауында: «Қазақстан үш жыл ішінде міндетті түрде жаппай цифрлық ел болуы керек» деп атап өтті.

Осы стратегиялық мақсат аясында ұлттық телекоммуникация операторы – «Қазақтелеком» TV+ платформасы арқылы білім беруді қолжетімді етуге ерекше көңіл бөліп жатыр. Компания әзірлеген mektep-online.kz жобасы қазірдің өзінде ел бойынша 8 мыңға жуық мектеп пен 4 миллионға тарта оқушыға қолжетімді.

Платформада математика, физика, химия, биология, геометрия пәндерінен 5536 бейнесабақ, әдістемелік нұсқаулықтар мен тест тапсырмалары ұсынылған. Жоба жетекшісі Сандуғаш Рахимжанованың айтуынша, бастама білім алуға мүмкіндігі шектеулі балалар үшін де үлкен қолдау болмақ.

TV+ интерфейсі барлық құрылғыларға бейімделген, қазақ және орыс тіліндегі көптілді контент, интерактивті мүмкіндіктер және ата-ана бақылауы қарастырылған. Ең бастысы – қосымша бағдарламалар орнатудың немесе жоғары жылдамдықты интернеттің қажеті жоқ.

«Қазақтелеком» өкілдері бұл шешімді репетитордан да тиімді екенін атап өтеді.

 «Біздің міндетіміз – әрбір балаға, қай өңірде тұрса да, ыңғайлы форматта білім алу мүмкіндігін беру. Бұл әсіресе репетитор жалдауға мүмкіндігі жоқ отбасылар үшін үлкен көмек», – деді оператор өкілдері.

TV+ жобасы Мемлекет басшысы ұсынған цифрландыру саясатына сәйкес жүзеге асып, ұлттық контентті қолдаумен қатар жаңа жұмыс орындарын ашуға да ықпал етпек.

«Жасанды интеллектіні жаппай енгізу және жаппай цифрландыру еліміздің барлық саладағы әлеуетін еселеп арттырады. Біздің стратегиялық бағдарымыздың ең басты қыры осы болуға тиіс», – деп атап өтті Президент Жолдауында.

Осылайша, TV+ пен mektep-online.kz жобалары Қазақстанның цифрлық егемендігін нығайтып, жаңа дәуірге бейімделген Жаңа Қазақстанның жарқын үлгісіне айналып отыр.

Сонымен қатар 2024 жылдың қазан айынан бастап Kazakhtelecom TV+ BUSINESS — түрлі бизнес санаттарына бейімделген цифрлық теледидар қызметтерінің желісін жаңартты. Енді кәсіпкерлер өздерінің форматына және мақсаттарына ең жақсы сәйкес келетін пакетті таңдай алады. Бұл онлайн платформа кәсіпкерлерге арналған заңды, ыңғайлы және заманауи шешім.