ХАЛЫҚАРАЛЫҚ ОЛИМПИАДАДА ТОП ЖАРҒАН ОҚУШЫЛАР ЕЛГЕ ОРАЛДЫ

Испанияның Барселона қаласында өткен халықаралық STEM олимпиадасында Астана қаласындағы дарынды қыз балаларға арналған “Білім-Инновация” лицей-интернатының оқушылары жоғары нәтиже көрсетті. Әлемнің 36 елінен 800-ден астам оқушы қатысқан ауқымды додада қазақстандық жеткіншектер математика, жаратылыстану және кодинг бағыттары бойынша үздіктер қатарынан көрінді, деп хабарлайды білім ордасының баспасөз қызметі.

Олимпиада Жаратылыстану, Математика, Бағдарламалау және DIY категориялары бойынша ұйымдастырылды. Жаратылыстану бағыты (биология, химия, физика) бойынша 10-сынып оқушылары Серік Аяулым мен Еділхан Мариям алтын медаль иеленсе, Жолжақсы Мерей күміс, ал Ержанқызы Адия қола жүлдені қанағат тұтты. Математика бағытында да оқушылар сәтті өнер көрсетіп, қоржынға бір күміс және сегіз қола медаль салды.

Оқушылардың бұл жетістігіне лицейдің биология пәні мұғалімі Өмірзақ Нұрила мен информатика пәні мұғалімі Даку Мәншүк жетекшілік етті. Жүлдегерлерден бөлек, Сыздықова Томирис, Дурсунова Асия, Пшанова Айгерім, Болат Арайлым және Еділхан Мариям сияқты оқушылар ерекше білімі үшін құрмет грамоталарымен марапатталды.

Айта кетейік, халықаралық STEM олимпиадасы оқушылардың сыни ойлау, техникалық шығармашылық және жаратылыстану ғылымдарына деген қызығушылығын арттыруды мақсат етеді. Астаналық оқушылардың бұл жеңісі еліміздегі STEM білім беру жүйесінің бәсекеге қабілеттілігін тағы бір мәрте дәлелдеп отыр.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QRNews (@qrnews.kz)