Грант иегерлерінің тізімі қашан жарияланады?

Қазақстанда жоғары оқу орындарына түсу науқанының күнтізбесі жарияланды. Ұлттық тестілеу орталығының мәліметінше, білім гранты иегерлерінің тізімі 10 тамызға дейін белгілі болады.

Орталықтың хабарлауынша, негізгі Ұлттық бірыңғай тестілеу 10 шілдеге дейін жалғасады. Ал жоғары оқу орындарына құжат қабылдау 20 маусым мен 25 тамыз аралығында өтеді.

“Педагогикалық ғылымдар” және “Денсаулық сақтау” бағыттарына түсушілер үшін арнайы емтихандар 20 маусым мен 20 тамыз аралығында ұйымдастырылады. Грант конкурсына қатысу үшін құжаттарды 20 шілдеге дейін тапсыру қажет.

Шығармашылық емтиханға қатысуға өтініштер 20 маусым мен 10 тамыз аралығында қабылданады. Ал грант конкурсына қатысатын талапкерлер үшін соңғы мерзім – 7 шілде.

Ұлттық тестілеу орталығы талапкерлерге өзекті ақпаратты жоғары оқу орындарының ресми сайттары мен әлеуметтік желідегі парақшаларынан нақтылап отыруға кеңес берді.

Биыл ҰБТ-ға қатысуға шамамен 240 мың талапкер өтініш тапсырған.