Елімізде жыл сайын атом саласына 4 мыңға жуық грант бөлінеді

Бұл туралы Жоғары және жоғары оқу орнынан кейінгі білім комитеті төрағасының орынбасары Жанна Есінбаева мәлімдеді.

Оған атом энергетикасы мамандарын дайындау туралы сұрақ қойылды.

Оның айтуынша, кадрларды даярлау «Физика» және «Тау-кен ісі» білім беру бағдарламаларының шеңберінде жүзеге асырылады. Мемлекеттік тапсырыс кадрларға қажеттілік негізінде қалыптасады, ол туралы мәліметті жыл сайын Еңбек министрлігі береді.

"Гумилев атындағы Ұлттық университет пен әл-Фараби атындағы ҚазҰУ бірлескен білім беру бағдарламаларын жүргізеді. Айта кету керек, ҚазҰУ базасында "МИФИ" Ұлттық ядролық университетінің филиалы ашылды", - деп жауап берді Жанна Есінбаева.

Ол Еңбек министрлігі мен Энергетика министрлігінен өтініш түссе, Ғылым министрлігі грант санын көбейтуге дайын екенін атап өтті.