«Білім-инновация» лицейінің мұғалімі «Jas Keñes Siyligi – 2025» жүлдегері атанды

Еліміздің әр саласында табысты еңбек етіп жүрген жас мамандарға «Jas Keñes Siyligi – 2025» сыйлығы табысталды. Биылғы марапат иелерінің қатарында Шымкент қаласындағы ер балаларға арналған «Білім-инновация» лицейінің мұғалімі Дукат Кабылкаев бар. Ол «Білім және ғылым» номинациясы бойынша ел болашағына қосқан үлесі үшін үздік деп танылды.

«Jas Keñes Siyligi» — Президент жанындағы Жастар саясаты жөніндегі кеңестің бастамасымен 2024 жылы құрылған тәуелсіз жастар сыйлығы. Марапат еліміздің экономикасы мен қоғамдық өмірінің негізгі бағыттарында өзіндік қолтаңбасын қалдырып, кәсіби шеберлігімен танылған жас мамандарға беріледі.