«БІЛІМ-ИННОВАЦИЯ» халықаралық қоғамдық қоры орта білім беру сапасын арттыру бағытындағы жұмыстары үшін әлемдегі беделді білім ұйымдарының бірі – College Board тарапынан 2025 жылға арналған Emerging Partner мәртебесін иеленді.
Марапат Үндістанның Мумбаи қаласында өткен College Board Forum 2025 халықаралық форумында Қордың оқу-әдістемелік жұмыстар жөніндегі вице-президенті Қуат Қожахметовке табысталды.
«БІЛІМ-ИННОВАЦИЯ» ХҚҚ-на қарасты мектеп-лицейлер бірнеше жылдан бері College Board ұйымдастыратын Advanced Placement (AP) курстарын, сондай-ақ халықаралық SAT және PSAT емтихандарын оқушыларға ұсынып келеді. Бұл бағдарламалар түлектерге шетелдің жетекші жоғары оқу орындарына түсу мүмкіндігін кеңейтеді.
2024–2025 оқу жылында аталған жобалар Қордың 20 мектеп-лицейінде жүзеге асырылып жатыр.
Қор үшін бұл жетістік – мектеп ұстаздарының, мектеп басшылығының және кәсіби бағдар бойынша жұмыс істейтін мамандардың бірлескен еңбегінің нәтижесі.
