Аймағамбетов: Балалар TikTok-та күні бойы отырмауы керек

Мәжілісте депутат Асхат Аймағамбетов мектеп оқушыларына смартфондарды шектеу мәселесі туралы пікір білдірді. Оның айтуынша, балалар телефондарға тәуелді болып, әлеуметтік қарым-қатынасқа түсе алмай отыр.  «Балалардың бос уақытын дұрыс ұйымдастыру үшін көбірек шара қабылдауымыз керек. Тек “жөн, тыйым салайық” деу жеткіліксіз», — деді ол.

Депутат балалардың социализациясына ерекше назар аударудың маңыздылығын атап өтті.

«Мектеп тек сабақ оқитын жер емес, балалардың өзара қарым-қатынасы, үзіліс кезіндегі достасуы да маңызды», — деді Асхат Аймағамбетов.

Ол сонымен қатар онлайн ойындардың қауіптері туралы да ескертті. 
«Кейбір танымал ойындар арқылы АҚШ-та және Ұлыбританияда ересек педофилдер балалармен кездесулер ұйымдастырып, тіпті зорлау фактілері тіркелген. Суицид жағдайлары да кездескен. Мұнда рационалды түрде қарау қажет. Ең алдымен кешенді жүйелі тәсіл керек. Мектептерде смартфондарды шектеу — сол тәсілдердің бірі. Бес және тоғыз жастағы балалар күні бойы TikTok-та отыра алмайды, бұл олардың денсаулығына теріс әсер етеді. Сол себепті үйірмелер мен секцияларды көбейту маңызды», — деді депутат.

Еске сала кетейік, Қазақстанда 16 жасқа дейінгі балаларға әлеуметтік желілерді пайдалануға тыйым салу туралы заң жобасы талқыланып жатыр. Жобаны талқылау 29 желтоқсанға дейін жалғасады.