Атырауда «Кемелдену жолындағы 5 қадам» форумы өтті

Атырауда жастардың тәрбиесі мен қоғамдағы өзекті мәселелерді талқылауға арналған «Кемелдену жолындағы 5 қадам» облыстық форумы өтті. Іс-шараны Атырау облысының Білім беру басқармасы, «Білім-Инновация» лицейлері және «SilkWay мектеп-лицейі» бірлесіп ұйымдастырды.

Форумның басты мақсаты – қоғамда алаңдаушылық тудырып отырған ақылсыздыққа дейін ойнау, нашақорлық, вандализм, зорлық-зомбылық және ысырапшылдық сияқты бес зиянды әдеттің алдын алу жолдарын қарастыру болды. Сонымен қатар, цифрлық технологияларды пайдалану арқылы жастардың азаматтық жауапкершілігін арттыру мәселесі де назарға алынды.

Іс-шараға ҚР Парламенті Мәжілісінің Әлеуметтік-мәдени даму комитетінің мүшесі Жұлдыз Сүлейменова, Атырау облысының прокуроры Бауыржан Жұмақанов, «Білім-Инновация» халықаралық қоғамдық қорының вице-президенті Ержан Әубәкіров, кәсіби отбасылық психолог Ержан Мырзабаев, Атырау облысы Білім беру басқармасы басшысының орынбасары Светлана Аманшиева және бала тәрбиесі бойынша сарапшы, 6 кітаптың авторы Елжас Ертайұлы қатысты.

Форум барысында спикерлер жастардың бойында дұрыс құндылықтарды қалыптастыру, зиянды әдеттерден сақтандыру, білім беру мекемелерінде тәрбие жұмысын жетілдіру және цифрлық мәдениетті дамыту мәселелерін талқылады. Сарапшылардың пікірінше, мұндай іс-шаралар қоғамда үлкен өзгерістерге жол ашып, жастардың саналы азамат болып қалыптасуына ықпал етеді.

Қатысушылар форумның жоғары деңгейде өткенін атап өтіп, алдағы уақытта осындай бастамалардың жалғасын табатынына сенім білдірді.