Астананың қай мектептерінде оқушыларға телефон пайдалануға тыйым салынған?

Қай мектептерде оқушылардың телефон ұстауына тыйым салынғанын елорданың білім басқармасы айтып берді.

Елордада білім сапасын арттыру үшін «Смартфонсыз мектеп» жобасы жүзеге асырылып жатыр. 1, 4, 7, 8, 17, 18, 25, 28, 29, 32, 34, 43, 46, 48, 52, 58, 70, 73, 76, 77, 87, 93, 103, 103 , 108 мектептерде оқушыға телефон пайдалануға тыйым салынған. Бірінші сабаққа дейін олар гаджеттерін арнайы ұяшықтарға қалдырады.

«Бұл шара оқушылардың ойлау қабілеті мен психологиялық денсаулығына оң әсер етеді», - деп есептейді білім басқармасы.

Ақпан айында Қасым-Жомарт Тоқаев мектеп оқушыларына сабақта телефон пайдалануға тыйым салатын заңға қол қойды. Ереже тек сабақ кезінде қолданылады. Бала мектепке ұялы телефонды алып келіп, үзіліс кезінде пайдалана алады.