«АНА ТІЛІ» РЕСПУБЛИКАЛЫҚ ЗИЯТКЕРЛІК ОЛИМПИАДАСЫНЫҢ ЖЕҢІМПАЗДАРЫ АНЫҚТАЛДЫ

Астана қаласында қазақ тілінің мәртебесін асқақтатуға бағытталған «Ана тілі» республикалық зияткерлік олимпиадасының салтанатты марапаттау рәсімі өтті. Биыл екінші рет ұйымдастырылған білім додасына еліміздің барлық өңірінен 2 мыңнан астам оқушы қатысты.

Биылғы олимпиада ҚР Оқу-ағарту министрлігі мен Ғылым және жоғары білім министрлігінің қолдауымен, Халықаралық «Қазақ тілі» қоғамының бастамасымен және «БІЛІМ-ИННОВАЦИЯ» халықаралық қоғамдық қорының ұйымдастыруымен өткізілді. Шараның бас демеушісі – Freedom Holding Corp.

Ауқымы мен іріктеу кезеңі Олимпиаданың іріктеу кезеңіне еліміздің түкпір-түкпірінен 9-11 сынып аралығындағы 2000-нан астам оқушы қатысып, соның ішінен ең жоғары ұпай жинаған 64 команда (192 оқушы) республикалық финалға жолдама алды. Финалдық кезеңде қатысушылар «Пікірсайыс», «Тілшілер» және «Білімпаздар» бағыттары бойынша бақ сынады.

Халықаралық «Қазақ тілі» қоғамының президенті Рауан Кенжеханұлы олимпиаданың маңызына тоқталды:

«Біздің басты мақсатымыз – сөзге, әдебиетке, тілге қызығушылығы бар дарынды оқушылардың жолын ашып, оларға жаңа мүмкіндіктер ұсуну. Бұл олимпиада қазақ тілінің тек қарым-қатынас құралы ғана емес, үлкен зияткерлік әлеуетке ие ғылым мен білім тілі екенін көрсетті».

«Білім-Инновация» ХҚҚ вице-президенті Қуат Қожахметовтің айтуынша, сайыстың ерекшелігі – оның топтық сипатында. Командалық жұмыс оқушылардың жаратылыстану бағытында да қазақ тілін еркін қолданып, өз ойын жүйелі жеткізуге дағдыландырады.

Жеңімпаздар мен марапаттар Тартысты өткен бәйгенің Бас жүлдесін (Гран-при) Түркістан облысынан келген «Үшарыс» командасы иеленді. Сонымен қатар, қатысушылар нәтижелеріне байланысты «Үздіктер», «Озаттар», «Мықтылар» және «Белсенділер» аталымдарымен марапатталды.

Олимпиаданың ең үлкен жетістігі – 11-сынып оқитын 14 жеңімпазға еліміздің жетекші жоғары оқу орындарының БІЛІМ ГРАНТТАРЫ табысталды:

Шараның жоғары деңгейде өтуіне «Freedom Шапағат» корпоративтік қорына үлкен қолдау көрсетті. Бұл – бизнестің әлеуметтік жауапкершілігі мен ұлттық құндылықтарды дамытуға қосқан елеулі үлесінің үлгісі.

«Ана тілі» олимпиадасы алдағы уақытта да дәстүрлі түрде өткізіліп, қазақ тілін зияткер жастар арасында трендке айналдыруды жалғастыра береді.