2026–2027 оқу жылына арналған мемлекеттік білім гранттары иегерлерінің тізімі жарияланды

Қазақстанда 2026–2027 оқу жылына арналған жоғары білім алуға бөлінген мемлекеттік білім гранттары иегерлерінің ресми тізімі жарияланды. Бұл туралы Ғылым және жоғары білім министрлігі хабарлады.

Биыл мемлекеттік гранттарды тағайындау конкурсына 127 мыңнан астам талапкер өтініш білдірген. Соның ішінде ең көп сұраныс педагогика, инженерлік және құрылыс бағыттарына, сондай-ақ ақпараттық-коммуникациялық технологиялар мамандықтарына түскен. Бұдан бөлек, аударма ісі, халықаралық қатынастар, құқықтану, психология және педагогика сияқты бағыттар бойынша бір орынға талас жоғары болып, ең үлкен бәсекелестік байқалды.

Грант иегерлерінің толық тізімімен осы сілтеме арқылы танысуға болады.

Мемлекеттік грантқа ие болған және ақылы негізде оқуға түсетін талапкерлер үшін жоғары оқу орындарына құжаттарды қабылдау процесі 25 тамызға дейін жалғасады.