Жеті жүзге жуық білім беру ұйымында санитарлық талаптардың бұзылғаны анықталды

Еліміздегі 677 білім беру ұйымында санитарлық-гигиеналық талаптар сақталмағаны анықталды. Бұл туралы Үкіметтің баспасөз қызметі хабарлады.

Бүгінгі таңда елімізде 1,8 млн оқушы тегін ыстық тамақпен қамтылған. Бұл мақсатқа 2024 жылы республикалық бюджеттен 205 млрд теңге бөлінген.

Мектеп және мектепке дейінгі білім беру мекемелеріндегі тамақтану жүйесінің тиімділігін арттыру үшін жауапты мемлекеттік органдарға мынадай тапсырмалар берілді:

▪️ цифрлық шешімдерді енгізу тетігін әзірлеу және мониторинг жүйелерін мемлекеттік деректер базасымен интеграциялау;

▪️ білім беру ұйымдарында азық-түлік өнімдерін сақтау және тасымалдау талаптарының сақталуын бақылауды күшейту;

▪️ жоспардан тыс тексерулер жүргізуді және шарттық, санитарлық міндеттемелерді бұзған жеткізушілерге жауапкершілікті арттыруды қамтитын қосымша әкімшілік және ведомстволық шаралар әзірлеу.