Жасанды интеллект, киберқауіпсіздік және құқықтың болашағы: Алматыда IV IT Law Forum өтті

14 тамыз күні Алматыдағы Rahat Palace Hotel қонақүйінде Орталық Азиядағы құқық пен технологияның тоғысындағы басты шара – IV IT Law Forum өтті. Форум заңгерлерді, IT мамандарын, мемлекеттік органдарды, бизнес өкілдерін және академиялық ортаны бір алаңға тоғыстырып, жасанды интеллектіні құқықтық реттеу, деректерді қорғау және цифрлық егемендікті дамыту мәселелерін талқылауға мүмкіндік берді.

Цифрлық технологиялардың қарқынды дамуы мен киберқауіптердің күшеюі жағдайында форум қатысушыларға тек тәжірибе алмасып қана қоймай, құқық пен технология саласындағы өзекті проблемаларға нақты шешім ұсынуға жол ашты.

Шараға ҚР Бас прокуратурасы, ҚР Цифрлық даму, инновациялар және аэроғарыш өнеркәсібі министрлігі, ҚР ІІМ академиясы, Алматы қалалық соты, сондай-ақ Freedom Holding Corp., GRATA International, DRCQ, TrustMe, Documentolog, Legal Click, Choco Holding, Sergek, DataArt және жетекші университеттермен қатар ірі жеке әрі халықаралық компаниялардың өкілдері қатысты.

GRATA International серіктесі әрі форумның негізгі спикерлерінің бірі Ержан Есимханов жасанды интеллекттің заң саласына ықпалы туралы пікір білдірді.

«Жасанды интеллект дәуірі заңнаманы және заңгер мамандығын түбегейлі өзгертуде. Алдағы жылдары мемлекет, бизнес және азаматтар мүдделерінің тепе-теңдігін қайта қарап, технологияларды қоғам игілігіне пайдалану — басты міндетіміз болады», – деді ол.

Қатысушылар қатарында халықаралық заң фирмаларының серіктестері, Қазақстанның жетекші компанияларының топ-менеджерлері, мемлекеттік құрылымдар, инновациялық стартаптар мен білім беру ұйымдары болды. Олардың ішінде:

• Қаржы және бизнес секторы: Ұлттық банк, Bereke Bank, Home Credit Bank, Air Astana, Kolesa Group, BASF, ABB, Freedom Holding Corp., Lotte Rakhat, ҚазАтомпром, Aviata, CTH Group, WSPN, YDA;
• Заң фирмалары: Salus Legal, AEQUITAS, Centil Law, GRATA International, RUDIS, Linkage & Mind, Astrea KZ, Ad Lex Consult, Mizan Law Firm, ARX Patent & Law, Zhizhin Legal Studio, ZL Law Firm, AGAG Inc., AGKA;
• IT және финтех компаниялары: Bitrix24, JetPay.kz, 1Fit, AbrTech, Green Leaves Payments, Process Lab, Sensata Group, Sensata Almaty, Viled Fashion, Cloud Centre, biometric.vision, ISDR LLC, Kipros LLP, OV Tech Limited, OneVision Limited;
• Университеттер: Narxoz University, AlmaU, әл-Фараби атындағы ҚазҰУ, KBTU, Astana IT University, SDU University, Каспий университеті, Тұран университеті, Қазақ ұлттық қыздар педагогикалық университеті, ҚР ІІМ академиясы.

Форум бағдарламасы төрт негізгі бағытқа арналды:

• IT Law – цифрлық орта, электрондық сервистер, цифрлық егемендік пен технология этикасын реттеу;
• Cybersecurity & Privacy – маңызды инфрақұрылым мен жеке деректерді қорғау;
• Intellectual Property – әзірлеушілер мен инновациялық компаниялардың құқықтарын қорғау;
• AI & Legal Tech – жасанды интеллект пен цифрлық құралдарды заңгерлік тәжірибеге енгізу.

Барлығы 16 спикер сөз сөйлеп, 4 панельдік пікірталас өтті. Сарапшылардың пікірінше, IV IT Law Forum Қазақстандағы құқық пен технологияның болашақ күн тәртібін айқындайтын басты кәсіби алаң екенін тағы бір мәрте дәлелдеді.