Тоқаев ғылымға үлес қосқан ғалымдарға мемлекеттік сыйлықтар тағайындады

Мемлекет басшысы Қасым-Жомарт Тоқаев 2025 жылғы әл-Фараби атындағы ғылым мен техника, сондай-ақ А.Байтұрсынұлы атындағы гуманитарлық ғылымдар саласындағы мемлекеттік сыйлықтарды беру туралы Жарлыққа қол қойды. Бұл туралы Ақорда хабарлады.

🔹 Әл-Фараби атындағы ғылым мен техника саласындағы мемлекеттік сыйлық иегерлері

1. «Қазақстан Республикасының гидрогеологиялық карталар атласы» тақырыбы бойынша жұмыс үшін
Мемлекеттік сыйлық келесі ғалымдарға берілді:

• Мәліс Құдысұлы Әбсәметов – «У.М. Ахмедсафин атындағы Гидрогеология және геоэкология институтының» директоры, геология-минералогия ғылымдарының докторы, профессор;

• Рахматулла Аязбаев – «АлматыГидроГеология» ЖШС бас директоры;

• Ержан Итеменұлы Көлдеев – Қ.И. Сәтбаев атындағы ҚазҰТЗУ ғылым және корпоративтік даму жөніндегі проректоры, техника ғылымдарының кандидаты, профессор;

• Ермек Жәмшитұлы Мұртазин – Гидрогеология және геоэкология институты директорының ғылым жөніндегі орынбасары;

• Владимир Александрович Смоляр – сол институттың өңірлік гидрогеология және геоэкология зертханасының бас ғылыми қызметкері.

2. «Кондициялық емес түсті металлургия шикізатынан жоғары сапалы селен алудың экологиялық қауіпсіз вакуум-термиялық технологиясын әзірлеу және оны өнеркәсіптік өндіріске енгізу» тақырыбы бойынша жұмыс үшін

• Бақдәулет Кенжәліұлы Кенжәлиев – «Металлургия және кен байыту институтының» бас директоры, техника ғылымдарының докторы, профессор;

• Валерий Николаевич Володин – сол институттың вакуумдық процестер зертханасының бас ғылыми қызметкері;

• Ержан Арыстанбекұлы Оспанов – «Қазақмыс корпорациясы» ЖШС кешенді технологияларды дамыту департаментінің директоры;

• Сергей Анатольевич Требухов – «Металлургия және кен байыту институты» бас директорының орынбасары, техника ғылымдарының кандидаты, профессор;

• Александр Александрович Шахалов – «Қазақмыс корпорациясы» ЖШС техногендік шикізатты қайта өңдеу басқармасының бастығы.

🔹 А.Байтұрсынұлы атындағы гуманитарлық ғылымдар саласындағы мемлекеттік сыйлық иегерлері

1. «Қазақстан археологиясы. Деректер мен зерттеулер» сериялық басылымы» тақырыбы бойынша жұмыс үшін

• Зайнолла Самашев – Ә.Х. Марғұлан атындағы Археология институтының бас ғылыми қызметкері, тарих ғылымдарының докторы, профессор.

2. «Қазақстанның үзіліссіз мемлекеттілігі тарих толқынында. XV–XIX ғасырлардағы еуропалық және америкалық карталарындағы Қазақ Мемлекеті» тақырыбындағы жұмыс үшін

• Мұхит-Ардагер Қаржаубайұлы Сыдықназаров – Л.Н. Гумилев атындағы Еуразия ұлттық университеті Заманауи зерттеулер институтының директоры, филология ғылымдарының кандидаты, PhD, профессор.