Қазақстандық оқушылар Азия физика олимпиадасында 8 медаль жеңіп алды

Сауд Арабиясының Дахран қаласында өткен 25-ші Азия физика олимпиадасында (APhO-2025) Қазақстан құрамасы тарихи жетістікке қол жеткізді. Еліміздің атынан қатысқан сегіз оқушы да жүлдегер атанып, төрт күміс және төрт қола медаль жеңіп алды.

Олимпиада 4–12 мамыр аралығында өтті. Беделді халықаралық додаға 30 елден 240-қа жуық үздік оқушы қатысқан.

Күміс медаль иегерлері:

• Амирбек Азатбеков – Астана қаласындағы ФМБ НЗМ;

• Нұргүл Егенбергенова – NurOrda мектеп-лицейі, Астана қаласы;

• Амир Пшенбаев – Spectrum International School, Астана қаласы;

• Артур Ким – Spectrum International School, Астана қаласы.

Қола медаль иегерлері:

• Роман Черемнов – Miras International School, Алматы қаласы;

• Ілияс Қазымбек – ФМБ НЗМ, Астана қаласы;

• Даниэль Төлеубаев – NurOrda мектеп-лицейі, Астана қаласы;

• Бекасыл Елубай – НЗМ, Алматы қаласы.

Сонымен қатар Астанадағы NurOrda мектебінің 10-сынып оқушысы Нұргүл Егенбергенова олимпиаданың «ең үздік қыз баласы» атанып, арнайы Best Female сыйлығына ие болды.

Ұлттық құраманы олимпиадаға Нұрдәулет Қаласов пен Андрей Сидоренко бастап барды.

Айта кетейік, 2024 жылы қазақстандық команда бір күміс, бес қола және бір мадақтама иеленген болатын. Биылғы 100% нәтиже – еліміздің білім саласындағы зор жетістігінің айқын дәлелі.